鳥語 (Closed)

每次約女仔朋友都會諗起floom floom~因為佢啲食物同飲品都好可愛～而且嚟親♡Floom Floom都鍾意坐榻榻米～*當然要預約哦*今晚有簡單嗌咗兩主食、兩飲品～個女仔staff好nice～【菠菜忌廉三文魚雪糕意粉 💲138】雪櫃筒夠晒搶鏡，內裡有菠菜忌廉蓉食嗰時就撈勻個意粉，效果好creamy，加埋三文魚有咸香，整體香濃惹味，朋友好中意～ 【月見大啡茹白松露野菌意大利飯 💲108】大啡菇上面兜住咗隻蛋～我將蛋黃倒落意大利飯度，又濃郁又滑啲～ 飲品好可愛【榛子朱古力奶配懸浮棉花糖 💲58（凍）】榛子朱古力唔會太濃，所以唔膩～而random pick嘅棉花糖係獨角獸真係令我心心眼！熱飲的話棉花糖溶咗甜味就會岩岩好！【草莓乳酪牛奶沙冰 💲58】（另加棉花糖）呢杯朋友話講咗幾次好好飲，而棉花糖係另加嘅，熊仔都好可愛喔？呢晚同朋友食得開心，傾傾下舖頭就收，職員都好好禮貌提醒我地要準備走了。