大熊貓餐廳 (Closed)

喺海洋公園行咗一輪想唞唞，就入咗大熊貓餐廳。環境唔錯，有唔少熊貓相。價錢，嚇死人！燒味飯都$128! 駛唔駛呀！唔太肚餓試吓點心算。見到熊貓奶皇包，上次喺迪士尼酒店食卡通點心嘅陰影又再浮現: 造型一百分，可惜可能製作需時，食落竟硬到似翻叮隔夜點心... 不過呢個熊貓奶皇包只需$28三件，算平了，即管一試，反正選擇不多...喺零期望下一食，咦，ok喎！雖然奶皇少到似奶醬搽饅頭，起碼個包係軟嘅！造型不及迪士尼點心，但總算認得出熊貓樣。呢個點心算ok. 畢竟，食物係攞嚟食，唔係淨係攞嚟玩同影相的...