樂園 (Moved) New Location

網上見到呢間嘅貓貓好可愛，就預先Book位，無耐就收到店家嘅Whatsapp提醒，詳述用餐嘅注意事項同點樣去間餐廳，都算貼心。店舖係iSquare對面，我地早左少少去，嗰陣店內唔算好多人，有打卡用少女花牆，貓貓係白色嘅餐枱到隨意行緊，勁可愛，幫佢地影左好多相。二人枱偏窄，我地都唔太肚餓，淨叫左松子仁有機蕃茄豆腐沙律（$78）同烤焗西班牙黑毛豬架配薯菜（$208）。松子仁有機蕃茄豆腐沙律（$78）係正正常常嘅日式沙律，麻醬幾香，菜都算新鮮。烤焗西班牙黑毛豬架配薯菜（$208）一上枱就見到陣仙氣，擺盤適合打卡，調味偏鹹左少少，不過肉質唔錯。薯條放係豬下面就淋左少少，唔係應該幾香脆。店員服務態度幾好，都會適時加水，係店內座位通道都窄，坐滿人嗰時行路要小心。