DK Cuppa Tea (Closed)

今次book左 DK Cuppa Tea 既「森林搖籃曲」，同老公同仔仔黎食。「森林搖籃曲」係以貓咪為主題既下午茶 Tea Set，食物同裝飾都有貓咪元素，好可愛呀！可愛到唔捨得食呀！「森林搖籃曲」下午茶內有有甜點同鹹點並配上有機花茶。雖然係2人份量，但2大1細都夠食，當中仔仔最愛係蕃茄羅勒鬆餅，咸咸香香，香草味都突出，唔近乎食曬2個，只留左一啖俾我試下。而我就最鐘意貓腳掌榛子味馬卡龍，唔會好甜膩，食落去榛子味好突出，配上有機花茶，解膩，小貓造型既棉花糖就非常可愛，完全唔想咬落去呀！呢到環境好relax，輕輕鬆鬆過左一個悠閑既下午。