貓之茶房 (弼街)

Open Now

Now Closed

去完附近食越南嘢，我哋趁仲有時間去下一場玩貓。呢間茶房好特別，特別在有愛心，全部貓咪都係領養，好多都好可愛 點可以遺棄佢哋。大家養寵物前要三思。 🔎牆上一些寫有貓嘅名字同埋本月生日嘅壽星貓。 約有二十隻貓實搵到心水，不過當日有十多隻，可能有啲瞓咗。我嘅心水係坐住我哋張枱嗰隻灰色肥懶貓圓咕碌，而附近隻白貓Bonbon啲毛好滑,著住飾品，好似小公主 ，呢2 隻好有鏡頭觸角。仲有，隻黃貓Simba超愛咬逗貓棒，得意到變咗逗我哋笑。 🔎我哋用$12 買咗啲一份零食（$6/ 半份）俾佢哋，每個鐘只售3 份，咁就唔會太飽。仲可以做善事，每售7包會捐1包俾流浪貓。 🔎茶房會提供蛋糕同飲料，飲料選擇都幾多，有唔同口味嘅熱壼茶、梳打同咖啡。熱情果柚子綠茶$8比較淡味，舉杯慢慢淺嚐。 燕麥奶玫瑰Latte $20 玫瑰味唔算突出，Latte幾滑。 不過，我哋掛住玩貓都唔係成日飲嘢。🤣🔎超抵玩，人均$60/小時,其後每小時$38，最後仲可以買到唔同店內貓咪嘅鎖匙扣留念。