Video
Read full review
2019-05-08
36 views
本人喺麵包控全世界都知道，對麵包都有一定嘅要求，今日嚟到銅鑼灣專程試吓台灣出名嘅Share le Pain！鋪頭唔大，大部份面積都係製作麵包嘅廚房，令一邊係飲品部份，透過玻璃可以見到師傅細心咁將一個個圓轆轆嘅麵包放入焗爐裏邊，睇到都好想食。上次經過見到你有呢個優惠，如果買嘢飲加麵包有八折嘅話，應該會抵啲。估唔到唔係啲咩大事帶子都有咁可愛嘅麵包，見到蘑菇隔離有條魷魚，覺得自己好似入咗去食兒童餐咁，搵返晒啲童真。$28一大個蒜香煙肉軟包，打開個玻璃櫃已經聞到濃烈嘅蒜蓉香味，決定將佢帶返屋企。仲有朱古力黑牛，見到佢嘅黑白扭紋就知道師傅嘅功力，件件都咁精細。去到先四點幾五點，冇估到芝士金磚就差唔多賣晒，即刻買返一件。最後梗係唔會放過香菇麻薯包。淨係睇個樣都已經夠晒吸引。買麵包同飲品有八折，即刻返兩杯嘢飲返去試吓。老實講個薯仔包有啲令人失望，見到裏面除咗有少少麵包皮之外，得幾粒薯仔粒同埋極少量煙肉，味道係唔錯，但好想食多啲餡料，希望師傅可以下次落重手啲😂真係要讚下呢舊芝士金磚，外面係甜甜地嘅芝士外皮，裏面就係軟綿綿又濕潤嘅白麵包，無論係味道還是質感也不錯。呢個牛角包同平時嘅與別不同，裏面嘅餡料唔
鋪頭唔大，大部份面積都係製作麵包嘅廚房，令一邊係飲品部份，透過玻璃可以見到師傅細心咁將一個個圓轆轆嘅麵包放入焗爐裏邊，睇到都好想食。
上次經過見到你有呢個優惠，如果買嘢飲加麵包有八折嘅話，應該會抵啲。
估唔到唔係啲咩大事帶子都有咁可愛嘅麵包，見到蘑菇隔離有條魷魚，覺得自己好似入咗去食兒童餐咁，搵返晒啲童真。
$28一大個蒜香煙肉軟包，打開個玻璃櫃已經聞到濃烈嘅蒜蓉香味，決定將佢帶返屋企。
仲有朱古力黑牛，見到佢嘅黑白扭紋就知道師傅嘅功力，件件都咁精細。
去到先四點幾五點，冇估到芝士金磚就差唔多賣晒，即刻買返一件。
最後梗係唔會放過香菇麻薯包。淨係睇個樣都已經夠晒吸引。
買麵包同飲品有八折，即刻返兩杯嘢飲返去試吓。
老實講個薯仔包有啲令人失望，見到裏面除咗有少少麵包皮之外，得幾粒薯仔粒同埋極少量煙肉，味道係唔錯，但好想食多啲餡料，希望師傅可以下次落重手啲😂
真係要讚下呢舊芝士金磚，外面係甜甜地嘅芝士外皮，裏面就係軟綿綿又濕潤嘅白麵包，無論係味道還是質感也不錯。
呢個牛角包同平時嘅與別不同，裏面嘅餡料唔係普通忌廉，而係混入朱古力同埋oreo! 外脆內軟，極有層次。
原來蘑菇麻薯包裏面有黑芝麻蓉同埋軟林林嘅麻薯，拉出嚟嘅感覺好治癒！芝麻餡料唔太甜，感覺真材實料，係咁多個包裏面，呢個最值得推介。
Post
