HOMESLICE (Closed)

我同朋友都超鐘意食Pizza。Homeslice好出名，今日黎到西營盤總要試試，諗住上openrice睇下邊隻最好食，點知食評唔多，仲要係負評，話Pizza特別難食 但我地特登行到黎先睇到，已經好攰喇 又見到兩位外籍人士玩個pizza dough 玩得咁開心，好似好正宗咁，所以都唔理負評一於入去一試。入面絕大部分都係外國人，得我地係本地人。佢地個樣都食得好開心咁。本身諗住叫兩個pizza一人一個，但睇完食評驚伏，所以叫住一個先。既然冇食評參考，咁就叫左我地最愛既prosciutto。賣相唔錯。我可以話toppings好好，肉同火箭菜唔多講，新鮮都係基本野，都幾好。但係！個餅底。。。有薄有厚，應該係師傅玩個團玩得太開心，太薄果部分焗完之後穿左窿。有厚度果啲其實ok，但因為唔平均，口感好奇怪。Overall 其實還可以，不過唔會值呢個價錢同要排隊。食過淺水灣The Pulse果間同一個Pizza正好多！價錢都差不多。食完呢間就好想返去再食 係呢度叫兩個pizza既念頭都自然打消左，拿拿林埋單去食甜品