Video
Read full review
2016-12-17
336 views
第一次食新香園恐怕都有十幾年前，諗返起依家起碼都有成三四年無食過喇，今日先無意中發現原來細個嘅兒童節目主持伍文生哥哥，竟然因為做左新香園老闆個女婿而中途出家，將佢地個蛋牛治發揚光大，仲已經開左成5間分店咁多添，有間仲係勁近我嘅，今日朝早就去會一會你先。鋪頭瑟縮喺一個food court 入面，餐廳外嘅大電視不停播放我嘅童年回憶，驟眼睇朝頭早嘅繁忙時間人煙都咁疏落，我諗係因為今時今日喺觀塘賣30蚊一個三文治餐，確實有啲過份，雖然我明白你份三文治係落多過人好多功夫，但係出面排哂隊嘅街舖都係賣緊二十蚊上下，如果唔係同你有親，真係諗唔到點解要行入嚟捱貴你幾蚊。落咗單之後坐低等咗大約五分鐘，以觀塘嘅步伐，一個人都冇嘅茶仔嗌份三文治都要等呢個時間確實係慢咗啲，份三文治啲牛肉雖然都係同新香園一樣切成肉碎，但係新香園嘅就細碎好多喇，而且呢間啲牛肉大塊之餘仲明顯有好多筋，係每一啖都有筋，不過又奇怪喎，佢好多筋都係好細粒嘅，所以好多吞咗都唔多覺。而嗰杯奶茶，O my goodness..茶味淡到好似茶包沖嘅一樣，咪玩啦。真心欣賞文生哥哥半途出家轉投飲食業，我明白分店開得多，質素自然難以保持，希望佢俾心機守
鋪頭瑟縮喺一個food court 入面，餐廳外嘅大電視不停播放我嘅童年回憶，驟眼睇朝頭早嘅繁忙時間人煙都咁疏落，我諗係因為今時今日喺觀塘賣30蚊一個三文治餐，確實有啲過份，雖然我明白你份三文治係落多過人好多功夫，但係出面排哂隊嘅街舖都係賣緊二十蚊上下，如果唔係同你有親，真係諗唔到點解要行入嚟捱貴你幾蚊。
落咗單之後坐低等咗大約五分鐘，以觀塘嘅步伐，一個人都冇嘅茶仔嗌份三文治都要等呢個時間確實係慢咗啲，份三文治啲牛肉雖然都係同新香園一樣切成肉碎，但係新香園嘅就細碎好多喇，而且呢間啲牛肉大塊之餘仲明顯有好多筋，係每一啖都有筋，不過又奇怪喎，佢好多筋都係好細粒嘅，所以好多吞咗都唔多覺。而嗰杯奶茶，O my goodness..茶味淡到好似茶包沖嘅一樣，咪玩啦。
真心欣賞文生哥哥半途出家轉投飲食業，我明白分店開得多，質素自然難以保持，希望佢俾心機守住外父個招牌啦。另外食完呢間之後好想去番佢外父嗰間食返份正經嘅。
Post
