陽一 (Closed)

今日發現左一間日本野，行過比出面既水簾吸引左，所以走左去試一試佢。佢午餐平均大概50幾左右，但今日太熱，叫左個拉麵同薏米青檸水，連埋野飲都係55蚊，係尖沙咀食日本野都幾抵。佢拉麵個湯底真係比想像中好好味，雖然只係普通豬骨湯底，但豬骨味濃。食哂個麵都已經夠飽，份量足。最驚喜係杯野飲，諗住普普通通消暑飲，但佢個杯已經好可愛，加上飲落唔甜，加10蚊換真係超值。下次可以試埋佢其他野，見佢仲有d小食串燒，不過已經食唔落。