Video
Read full review
2012-11-01
846 views
上次一家食大閘蟹食到一肚氣，隔日我已經去左朋友屋企食返補數爸爸就話會搵日請返我地食餐勁o既，不過呢日媽媽睇雜誌見到廣告順德經典有個 $ 238 兩隻足五兩大閘蟹餐 , 兩位起已包加一茶芥 , 然後 whatsapp 我地話即晚去食 , 連 plan 好要煲髮菜雞腳湯都擱置順德經典沙田分店位於禾輋商場 , 唔熟沙田o既 , 可以o係火車站o個邊轉小巴禾輋邨亦有好多巴士線 , 十分方便 , 邨內商場麻雀雖小但可謂五臟俱全 , 有質素o既食店都唔少 , 順德經典就係我今日所發掘o既其中之一 媽媽預先訂好位 , 我地被安排到靠窗o既卡位 , 窗門打開就係人來人往o既商場,店員見我地打開左窗 , 都不時提醒我地要小心財物 , 電話唔好放窗邊等等 ,卡位不論座椅同餐桌好濶落 , 寬敞舒適 , 又唔會太嘈吵 , 環境整潔美觀大閘蟹套餐有魚有肉 , 有羹有甜品 , 我地叫左三個餐 , 再另外叫左少少野落單後店員話大閘蟹要蒸 30 鐘 , 請我地耐心等侯 , 然後先上左兩壺花雕酒小杯當成壺蓋 , 小壺坐o係熱水裏面 , 保持酒溫 , 打開杯蓋已傳出陣陣酒香 1. 江蘇大閘蟹~ 果然約 30 分鐘後 ,
爸爸就話會搵日請返我地食餐勁o既，不過呢日媽媽睇雜誌見到廣告
順德經典有個 $ 238 兩隻足五兩大閘蟹餐 , 兩位起已包加一茶芥 ,
然後 whatsapp 我地話即晚去食 , 連 plan 好要煲髮菜雞腳湯都擱置
順德經典沙田分店位於禾輋商場 , 唔熟沙田o既 , 可以o係火車站o個邊轉小巴
禾輋邨亦有好多巴士線 , 十分方便 , 邨內商場麻雀雖小但可謂五臟俱全 ,
有質素o既食店都唔少 , 順德經典就係我今日所發掘o既其中之一
媽媽預先訂好位 , 我地被安排到靠窗o既卡位 , 窗門打開就係人來人往o既商場,店員見我地打開左窗 , 都不時提醒我地要小心財物 , 電話唔好放窗邊等等 ,
卡位不論座椅同餐桌好濶落 , 寬敞舒適 , 又唔會太嘈吵 , 環境整潔美觀
大閘蟹套餐有魚有肉 , 有羹有甜品 , 我地叫左三個餐 , 再另外叫左少少野落單後店員話大閘蟹要蒸 30 鐘 , 請我地耐心等侯 , 然後先上左兩壺花雕酒
小杯當成壺蓋 , 小壺坐o係熱水裏面 , 保持酒溫 , 打開杯蓋已傳出陣陣酒香
1. 江蘇大閘蟹~ 果然約 30 分鐘後 , 一碟六隻大閘蟹送上 , 全部都係公 , 隻隻都斤兩十足
大家連忙為大閘蟹拆鉗拆腳 , 揭開蟹蓋 , 澄紅金黃o既蟹膏鋪遍滿腹 ,
好濃好香 , 伴上少許陳醋 , 口感軟滑 , 不黏不膩 , 好似海膽咁入口甘香
蟹身中分兩半 , 除金黃油膏外仲帶有透白o者喱膏 , 比較漿口 , 味道較淡完成蟹膏部份後 , 是時候細意品嘗蟹肉 , 嫩滑鮮甜 , 蟹身夠大夠多肉
蟹腳同鉗都算幾粗大 , 店員早己呈上大閘蟹專用大力剪 , 食得更方便
2. 蟹粉小籠包
~ 質素一般 , 蟹粉味道不太特出 , 肉餡有 d 羶味 , 肉質鬆散欠口感 ,包皮唔算太厚 , 不過略為硬左少少 , 灌湯程度亦未達水準 , 需作改善
3. 生拆魚茸羹
~ 係我食過最正o既魚茸羹 , 真係無得彈 !! 濃郁鮮魚味 , 一 d 都唔腥 ,
簡直好似食緊魚粥咁綿滑 , 魚茸係細嫩到睇唔到 , 其中較大粒o既 ,
都可以講得上係入口即溶 , 呢個正正係大頭啜魚魚肉o既一大特式 ,
同時係做魚茸最好不過o既材料 , 而魚茸羹配料更加係多不勝數
有滑溜o既腐竹 , 清甜o既水瓜柳 , 軟韌o既人造翅 , 香脆o既合桃碎等 ,盅身高 , 保溫力強 , 但我仍然係食完一淡又一淡 , 連蟹都先放一旁
要先趁熱食 , 始終主要食材係魚 , 點都會怕佢凍左會腥家嘛 xp
4. 家鄉麒麟蒸海鯰魚
~ 有如麒麟豆腐般 , o係魚同魚之間夾上金華火腿同冬菇 ,
奇怪地o係兩旁放上菜心 , 但原來菜心蘸上蒸魚豉油係幾好食o家
金華火腿夠濃味 , 間接令冬菇都變得咸香 , 但魚肉就唔覺被傳染
海魚果然係軟滑得黎有彈牙嚼口 , 好鮮好好味 , 由其係魚鯺部份
魚油濃郁甘甜 , 呢碟係三人份量 , 每人有三大片肉 , 抵食到不得了 !5. 松露醬黑豚肉
~ 松露份量足 , 炒得均勻 , 黑豚肉爽口彈牙 , 肉汁豐腴 , 貨真價實
伴菜有香甜爽脆o既蜜糖豆同紅黃波椒 , 色彩鮮艷令人賞心悅目此外仲有雞脾菇同秀珍菇 , 炒得好入味 , 呢一碟又係又抵又好味
6. 銀杏杞子米湯浸時蔬
~ 銀杏飽滿 , 杞子圓 大 , 米湯乳白 , 味道有 d 似魚湯 , 濃淡得宜 , 白菜浸o係米湯 , 清甜鮮味 , 而且上枱夠熱燙 , 簡簡單單都可見水準
7. 燕窩燉鮮奶
~ 用透明小花茶杯裝 , 好靚 ~ 燉奶滑溜無比 , 奶味濃而不羶 ,燕窩份量有一個小匙 , 先不論真偽 , 口感細膩爽滑不帶黏性 ,
再加上我自行倒入薑茶 , 弄成薑汁撞奶般 , 整個可以打滿分
除左大閘蟹套餐之外 , 我地仲叫左一客焗雞同竹筒飯 :
8. 銅盆香蔥焗雞
~ 剪開錫紙 , 香蔥味徐徐飄來 , 雞o既份量唔多 , 反而蔥段好多雞肉嫩滑 , 富有雞味 , 不過似乎油膩左少少 , 而且味道偏淡
9. 紫薯竹筒飯
~ 本來我地係叫白飯 , 剛巧阿姐收來一個竹筒 , 向我地提議
我地其實都唔知係咩味道 , 一心以為係平時食到o個 d 咁上下
黎到見到先知原來飯裏混入紫薯 , 香甜軟腍 , 係幾特別o既
除左白米仲有紅米 , 不過個底可能焗得最耐 , 飯粒有少少稀爛 ## 呢一餐誇張少少講我地一家都讚不絕口 , 估唔到咁好食 ,
我地雖然係抱住即管一試o既心情 , 仲要主打係想食大閘蟹 ,
估唔到其他小菜都能為我地帶黎重重驚喜 , 肚皮滿載而歸 ^^
Post
