黃金燒味 (Closed)

如果大家冇食過咩叫做好味嘅叉燒，一定要嚟試吓呢間黃金燒味。佢最出名係肥窿腩叉燒，一啲都唔韌而且非常Juicy，叉燒入口即溶，好味到你唔信。除咗叉燒之外，燒排骨、燒鵝、生腸、燒腩仔等等亦相當有質素，係一間水準一流嘅燒味茶餐廳。另外，佢嘅例湯同普通茶餐廳嘅例水唔同，佢個湯飲落有少少藥材味，絕對係落足料。總括嚟講如果你同我一樣喺香港周圍搵緊最好食嘅叉燒，我肯定黃金燒味唔會令你失望。記住落單時一定要講係肥窿腩叉燒，因為個價錢會貴少少嘅，如果普通叉燒可能個口感會有啲唔同。如果覺得午餐太貴可以下午茶時段先去試，一樣有肥窿腩叉燒飯架。