一如鐵板燒

Open Now

Now Closed

大埔翠怡花園附近一向食肆林立，附近嘅地舖有八成或以上都係餐廳，其中仲有唔少穩世美食，串燒、韓食、omakase等等。 今次想介紹一如鐵板燒，低調地座落於人煙稀少嘅轉角位，但係有麝自然香。 晚市餐單入面龍蝦同鮑魚嘅角力之間，我地揀左「澳洲鮑魚二人前」。小朋友先做選擇，why not both? 但係又龍蝦又鮑魚應該會好滯，如果大家係大胃王嘅話可以試下，因為餐單嘅大蝦可以加錢upgrade做龍蝦。簡單黎講今次嘅套餐有牛肉同海鮮。 🥗前菜（肝）🇦🇺澳洲鮑魚🦐大蝦🐚季節海鮮（北寄貝）🍶清酒煮大蜆🥬季節野菜🥩牛肉厚及薄燒（可以upgrade做A4和牛厚燒）🍲麵豉湯🍚炒飯🍦甜品（焦糖多士加雪糕） 海鮮係生猛游水嘅，上枱嘅時候鮑魚同蝦都郁郁下。睇落師傅用刀叉就可以光速將隻蝦去殼，仲要蝦肉完整無缺，真係好想學。 清酒煮大蜆：喺鐵板上面放錫紙兜，兜入面有蜆同清酒，然後點火，畫面幾靚。 印象最深刻係炒香嘅蒜片夠薄夠乾身，食落好似食緊薯片咁。炒蒜片真係好考功夫，動作唔夠快或者時間過左少少都好易燶。薄切牛肉包住蔥花同蒜片，不得了。 最後嘅炒飯都好香口，粒粒分明。 食鐵板燒其實大部份時間都係欣賞廚師嘅功架，手起