鼎泰豐 (Closed)

今日全職湊B，等到老婆收工，即時交比佢，自己蛇出去食餐好，叉足電再幫手，由於想食小籠包，所以選擇鼎泰豐。去左叫左半打小籠包、1碗清湯牛肉麵。碗清湯麵，中間有舊薑，但一啲都唔辣，而且好無根，煮到淋晒，再吸埋啲湯，真係連舊薑都好食過人。牛肉就唔洗講啦，係牛展，有牛味、夠淋，加上清湯，一啲都唔膩，麵質清爽，唔痴口，食得出係自家制、新鮮拉，雖然$85/碗，但好食。講返主角小籠包，食完再追加半打，前後食左1打，佢皮薄，但唔會穿，多汁，但點上自家制醋後唔膩再加上薑絲，直頭係不能代替既美味。其實佢啲茶都幾好飲，雖然要收茶錢，但都值得。