黑窗里

Open Now

Now Closed

一早訂咗位，個朝收到message可以叫定嘢食。見到個餐牌好疑惑，你哋見到食物名就會明。唔理咁多就每個主食各一，湯每人一個，甜品一個。墨式青椒芫茜忌廉醬涼拌煙斗粉配溫泉蛋好味，少少帶酸好開胃，煙斗粉Al dente，篤爆隻溫泉蛋一齊吃更香。後來我哋叫多一客配煎天貝（掛住食冇再影相），天貝係印尼發酵嘅黃豆餅，質感有點像硬豆腐，煎香咗幾好食。甜椒烤南瓜藜麥車厘沙律拼烤麥配中東鷹嘴豆醬沙律好好食，南瓜軟糯，羽衣甘藍沒有青草味，甜椒同車厘茄都好甜。烤麥餅配埋私心選嘅鷹咀豆醬（其實有幾款自家製嘅醬），都係好食（詞窮了）。印度菠菜羊奶芝士masala 伴長米飯長米飯軟硬適中，masala醬汁都幾惹味，拌飯一流。椰香薑黃蕃茄甘筍扁豆湯飲到有甘筍嘅纖維，有質感的餐前湯，味道有蕃茄甘筍的甜，椰香和黃薑味唔會太搶，各種味道很balance。和胃麥香桂花茶麥香和桂花很夾，清新嘅味道好啱夏天飲，暖茶對胃部也很有益。水蜜桃烏龍茶凍（都係掛住食冇再影相）簡簡單單茶凍有茶香，茶凍彈牙，內有清甜嘅水蜜桃，好啱夏天食，有消暑感覺。