8
3
1
Level4
129
0
荃灣要食一盅兩件,好多選擇,想懷舊,上山有,屋邨有,其他區嘅過江龍都有!但評價好似都麻麻,賣特色為主。依間我唔敢講歷史,真係搵唔到,但網評已可追朔十年,係附近打工仔間亦少有人氣。每日返工時間都有打工仔嚟買包、買飯,全部都外賣,相信唔係個個都無時間,而係入面過幾將枱一早已坐滿,好似係固定班底,就算遲嚟都有熟客幫霸位。一早食飯多唔多?唔一定多,但我識人買定做午餐,一來中午唔洗出嚟迫,二來早市盅頭飯平午市六蚊,肉比出面都多,返叮都抵過買叮叮。叉燒包一籠三隻,正常大細,叉燒口感同調味無特別,重點在於個包鬆軟,又實用,無粉味,甜味出哂嚟!其他點心都標準大小,最欣賞燒賣,絞得天然起膠,又帶點蝦肉粒,無加到粉,口感天然彈牙,本身對好多化學物過敏,而冰鮮蝦經常用化學物增加口感,做到所謂玻璃蝦嘅感覺,一般餐廳係冲洗同煮嘅過程已大幅稀釋,但做點心通常都無,直接加工,直接蒸,食完依類食物我都會感不適,但依間嘅出品,唔單止無事,試過有次凍咗食,味道竟然完全無影響!蝦餃皮薄,內有幾隻完整蝦肉,夾起無事,包裝時個盒太滿有隻壓破皮,餡仍完整無散開;粉果皮通常好粘,但依間唔粘之餘亦無油臭味,口感足,各方面都控制得好。
Read full review
荃灣要食一盅兩件,好多選擇,想懷舊,上山有,屋邨有,其他區嘅過江龍都有!但評價好似都麻麻,賣特色為主。依間我唔敢講歷史,真係搵唔到,但網評已可追朔十年,係附近打工仔間亦少有人氣。

52 views
0 likes
0 comments

每日返工時間都有打工仔嚟買包、買飯,全部都外賣,相信唔係個個都無時間,而係入面過幾將枱一早已坐滿,好似係固定班底,就算遲嚟都有熟客幫霸位。一早食飯多唔多?唔一定多,但我識人買定做午餐,一來中午唔洗出嚟迫,二來早市盅頭飯平午市六蚊,肉比出面都多,返叮都抵過買叮叮。

37 views
0 likes
0 comments

叉燒包一籠三隻,正常大細,叉燒口感同調味無特別,重點在於個包鬆軟,又實用,無粉味,甜味出哂嚟!

42 views
0 likes
0 comments
其他點心都標準大小,最欣賞燒賣,絞得天然起膠,又帶點蝦肉粒,無加到粉,口感天然彈牙,本身對好多化學物過敏,而冰鮮蝦經常用化學物增加口感,做到所謂玻璃蝦嘅感覺,一般餐廳係冲洗同煮嘅過程已大幅稀釋,但做點心通常都無,直接加工,直接蒸,食完依類食物我都會感不適,但依間嘅出品,唔單止無事,試過有次凍咗食,味道竟然完全無影響!


蝦餃皮薄,內有幾隻完整蝦肉,夾起無事,包裝時個盒太滿有隻壓破皮,餡仍完整無散開;粉果皮通常好粘,但依間唔粘之餘亦無油臭味,口感足,各方面都控制得好。


飲茶特色就係攞吓攞吓攞太多…其實買嘢食通常都係,同大型酒樓比真係無嘜款,但基本野都有,唔洗睇餐牌。留意只做早、午市,雖然係街市附近,但買得菜可能已關門。
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Dining Method
TakeAway