小富臨 (Closed)

因為疫情，好耐無出去食嘢（齊心抗疫呀ma），但琴晚因為家中老人家嘅老花眼鏡爛咗，唔盡快搞定，佢睇唔到手機我都會 Joe Yeung ka ma，所以就去咗 V-Walk諗住搞定副眼鏡，點知最後搞唔定，又搞夜咗，咁就外面食完先返屋企。一路行，見小富臨唔算好多人，咁就入去試下啦（平時行過好似都幾多人）見佢地收 10:30pm，諗住我地 9pm左右，食完馬上走都唔會比人燒X袋嘅。一坐底，馬上睇有咩食，前後 5分鐘內落咗單（前後都有同事經過，有介紹，禮貌幾好）。上菜都好快，上得 7788，同事都有好意地提醒，要唔要加嘢，廚房 last order之類。服務無問題。問題係菜式度，我地叫咗個 4人餐，後加個炒飯。前菜，甜品之類都無咩問題，係有2個平常嘅菜式嘅味道一 d都唔「平常」。酸菜魚太酸，太酸，太過酸；紅燒豆腐，個醬太甜。連我位咩都食嘅太太都話「好酸，好難食」可能真係阻人收工啦 😅😅