茶木‧台式休閒餐廳 (又一城)

Open Now

Now Closed

朋友約咗我去九龍塘又一城度傾偈，大家想搵個地方坐低食少少嘢傾得舒服啲，本身又一城嘅選擇都唔算太多，跟住見到茶木好似冇乜人，所以就坐低咗響呢間度嘞。叫咗個紅燒牛肉麵同埋一杯芒果沙冰加奶蓋，相信因為呢一間茶木係比較輕食為主，所以為咗方便啲嘢食都係用紙器皿嘅。紅燒牛肉麵可能係因為個紙兜嘅問題，感覺好似比平時其他茶木份量少啲啲，啲牛肉有少少淋得滯，感覺好似係一早整好晒，即刻用微波爐叮翻熱嗰種口感，同埋佢個湯都有啲鹹，總算都係食得落嘅，但係就唔會覺得好好食咁樣。杯芒果沙冰冇乜特別嘢可以分享，都係酸酸甜甜咁樣有啲芒果味，奶蓋到有幾濃郁嘅芝士味嘅，其他方面冇乜特別感覺。