傷心酸辣粉 (科學館道) (Closed)

咁熱既夏天其實就要食D甜嘢或者辣嘢先開胃，好想食酸辣粉，不過呢排又太熱氣啦，又唔想食得太辣，點算好呢？於是叫店員幫我走辣，估唔到真係完全可以唔辣㗎! 而由於佢嘅湯底配菜都好多，所以仍然好好味! 湯底有咩？我數得出既有芹菜啦、肉碎啦、有蝦米、有花生 、仲有菜脯等等，同埋可以保留酸味，所以真的不防走辣。另外，我好記掛佢個薯粉呀！冇乜邊度嘅薯粉可以做到佢咁爽滑， 而且佢可以吸哂個湯底，真係好醒胃!至於口水雞唔辣好食咩? 其實佢都好有芝麻香㗎，所以大家可以放心叫唔辣!