Video
Read full review
2024-04-24
31 views
喺香港想食正宗嘅法式crepe,一定會諗起呢一間來自加拿大嘅Cafe Crepe😎 佢有幾間分店，今日我就同朋友嚟到中環分店，舖頭一共有三層，地下及2樓有座位，非常舒適👍 呢度提供嘅法式crepe有鹹有甜, 除咗Crepe之外，仲有其他食物提供，例如burger、Mac and cheese等🥰 我咁鍾意食crepe, 梗係咸甜各一份啦😎🌟黑松露香煎帶子可麗餅未食已經先聞到好香嘅黑松露味😍 首先講講佢嗰個餅皮先，又薄又非常柔軟，而且富蛋奶香，實在太高質👍 餡料亦都非常豐富，裏面有勁多帶子，仲有蘑菇、加埋香濃嘅芝士忌廉醬，勁夾👍 面頭亦都有兩隻珍寶帶子，加埋黑松露醬，珍寶帶子煎得生熟度啱啱好，食得出新鮮🤩 呢個口味真係好推薦🫶🏻 另外都見到有好多特別嘅口味，例如港式燒鵝等等🤩下次一定要再試吓🥰🌟朱古力味法式薄餅配抹茶芝士、開心果脆脆及紅莓醬開心果控見到呢一個真係好開心🤩🤩 個賣相勁靚，色彩好繽紛😍😍 朱古力味餅皮都係非常柔軟🫶🏻 加咗果仁碎及開心果脆脆，口感非常豐富🤩 另外佢嘅紅莓醬真係功不可沒😆 酸酸甜甜嘅味道，實在太正啦👍 而家仲回味緊😂🌟榛子鮮奶咖啡呢度嘅飲品質素都非常唔錯，而且選
呢度提供嘅法式crepe有鹹有甜, 除咗Crepe之外，仲有其他食物提供，例如burger、Mac and cheese等🥰 我咁鍾意食crepe, 梗係咸甜各一份啦😎
🌟黑松露香煎帶子可麗餅
未食已經先聞到好香嘅黑松露味😍 首先講講佢嗰個餅皮先，又薄又非常柔軟，而且富蛋奶香，實在太高質👍 餡料亦都非常豐富，裏面有勁多帶子，仲有蘑菇、加埋香濃嘅芝士忌廉醬，勁夾👍 面頭亦都有兩隻珍寶帶子，加埋黑松露醬，珍寶帶子煎得生熟度啱啱好，食得出新鮮🤩 呢個口味真係好推薦🫶🏻 另外都見到有好多特別嘅口味，例如港式燒鵝等等🤩下次一定要再試吓🥰
🌟朱古力味法式薄餅配抹茶芝士、開心果脆脆及紅莓醬
開心果控見到呢一個真係好開心🤩🤩 個賣相勁靚，色彩好繽紛😍😍 朱古力味餅皮都係非常柔軟🫶🏻 加咗果仁碎及開心果脆脆，口感非常豐富🤩 另外佢嘅紅莓醬真係功不可沒😆 酸酸甜甜嘅味道，實在太正啦👍 而家仲回味緊😂
🌟榛子鮮奶咖啡
呢度嘅飲品質素都非常唔錯，而且選擇好多，有咖啡、法式梳打水，cocktail都有🫶🏻 呢杯咖啡夠晒香濃👍
🌟薄荷檸檬茶
係用加拿大嘅Nunshen茶包，質素有保證👍 呢杯熱茶配上甜味嘅可麗餅，真係一流😎
如果大家鍾意食法式可麗餅，或者未試過, 十分推薦大家嚟試吓呢一間，一定唔會令你失望，甚至會愛上🥰
Post
