Video
Read full review
2018-06-26
605 views
了不起茶飲店係一間來自台中嘅茶飲店，喺2017年正式開業，但估唔到用咗短短半年嘅時間就已經殺到黎香港。香港店係今年嘅二月正式營業，小編終於抽到時間去試吓。香港店嘅裝修就同台灣總店嘅裝修差唔多，而且店舖仲掛住兩幅由陳盈如創作嘅畫添！了不起茶飲店係一間結合藝術同茶飲嘅台灣茶飲品牌。所以幫緊係店舖嘅裝修、杯嘅設計都可以搵到有藝術嘅元素喺裏面。🍴芭樂檸檬翡翠呢一杯芭樂檸檬翡翠都幾特別下，因為平時係市面都比較少見，而且店舖仲用咗紅心芭樂做主題添！飲品裏面由於加咗紅心芭樂，所以出嚟嘅顏色會係桃紅色。而店鋪用嘅紅心芭樂就標榜係嚟自高雄燕巢。店舖會將芭樂切粒加入到飲品裏面，所以飲品入口嘅時候都可以食到有啲芭樂喺度，口感會比較豐富。至於飲品嘅味道方面，店舖除咗加咗紅心芭樂仲加咗啲泰國嘅青檸汁，所以飲品入口會酸酸甜甜咁，非常消暑解渴。而且會飲到有好清新嘅檸檬味。不過相對之下個茉莉綠茶茶底嘅味道可能就會比較淡少少。🍴奶蓋翡翠呢度個芝士奶蓋都幾有驚喜，估唔到擺咗成個鐘都未溶啊😱打聽之下發現原來店舖係用咗澳洲嘅Cream cheese打成，所以先可以一直keep到唔溶。芝士奶蓋入口有淡淡芝士嘅鹹香味。而且奶蓋嘅
了不起茶飲店係一間結合藝術同茶飲嘅台灣茶飲品牌。所以幫緊係店舖嘅裝修、杯嘅設計都可以搵到有藝術嘅元素喺裏面。
芭樂檸檬翡翠
$36
49 views
0 likes
0 comments
🍴芭樂檸檬翡翠
呢一杯芭樂檸檬翡翠都幾特別下，因為平時係市面都比較少見，而且店舖仲用咗紅心芭樂做主題添！
飲品裏面由於加咗紅心芭樂，所以出嚟嘅顏色會係桃紅色。而店鋪用嘅紅心芭樂就標榜係嚟自高雄燕巢。店舖會將芭樂切粒加入到飲品裏面，所以飲品入口嘅時候都可以食到有啲芭樂喺度，口感會比較豐富。
至於飲品嘅味道方面，店舖除咗加咗紅心芭樂仲加咗啲泰國嘅青檸汁，所以飲品入口會酸酸甜甜咁，非常消暑解渴。而且會飲到有好清新嘅檸檬味。不過相對之下個茉莉綠茶茶底嘅味道可能就會比較淡少少。
奶蓋翡翠
$30
38 views
0 likes
0 comments
🍴奶蓋翡翠
呢度個芝士奶蓋都幾有驚喜，估唔到擺咗成個鐘都未溶啊😱打聽之下發現原來店舖係用咗澳洲嘅Cream cheese打成，所以先可以一直keep到唔溶。芝士奶蓋入口有淡淡芝士嘅鹹香味。而且奶蓋嘅口感亦都脪杰程度適中，奶蓋當中有一粒粒嘅芝士粒喺度，口感理論上確實係幾豐富，不過個人就唔太鍾意，但芝士嘅味道都幾香。
茶底嘅茉莉花味好香，原來係因為店舖用咗原片嘅茶葉去沖泡，所以茶味亦都比較清幽。雖然叫咗全糖，但味道亦都唔會太甜，而個人就覺得全糖嘅甜度啱啱好。茶底同芝士奶蓋嘅融合亦都做得比較好，所以唔會飲到茶底還茶底，奶蓋還奶蓋咁樣。
Post
