吃茶三千 (創紀之城五期(apm))

Open Now

Now Closed

今日同同事嚟觀塘見完客，佢行經吃茶三千話想飲返杯台飲。我就揀之前飲過嘅鳳芒柚粒厚奶。佢就揀杯新推廣嘅粉紅爆水珠珠香蜜。知道吃茶三千係台灣品牌，佢地茶底係用萃茶機現萃茶葉，而且即場用機沖製（好似一檯咖啡機咁），之前飲過其實味道真係好香。我呢款期間限定葡萄柚口味嘅鳳芒柚粒厚奶，材料源自台灣，夠晒正宗。入口厚奶滑溜，有粒粒鳳梨同芒果就夠晒香甜，至於柚子粒就酸酸甜甜，係街外走完一輪熱辣辣，飲完真係好醒神，仲每日限量150杯！同事就最like試新野，呢杯粉紅爆水珠珠香蜜係同化妝品品牌聯乘，茶底係松針綠茶，搭配百花香蜜，櫻花味纖玉果子，顏色非常美觀。佢好滿意個茶底，話好香，又有煙韌纖玉果子，好飲！