八時神仙草 (歌賦街)

Open Now

Now Closed

餐廳名「八時」嘅由來係因為店家堅持長時熬煮陳年仙草乾8小時，以無鹼的方式製作，讓仙草本身釋放膠質凝結成凍，又天然又健康，與別不同，一直好想試。今次試咗打卡一流嘅抹茶燕世雪花盛盤，好出名既燒仙草盛盤，加上2杯飲品 - 白玉燕世仙奶茶（凍）以及圓仔紅豆紫米牛奶（熱）。抹茶燕世雪花盛盤用整塊仙草製成雪花冰，完全冇加糖水，雪花冰呈絲狀，口感軟綿綿，可以加埋花奶一齊食，雪花冰下面仲有凍仙草，口感煙韌，賣相同口感都一流👍🏻燒仙草盛盤一開始仙草係液體狀態，再慢慢凝結成凍，非常特別，食到仙草有種回甘嘅味道，咬落去煙韌又滑嫩，食完一啖會想再食😋。芋圓同理薯圓非常煙靭同比平時食到嘅大粒，咬落去食到少許芋頭同埋番薯嘅微粒，我哋最後加錢額外encore 芋圓。飲品白玉燕世仙奶茶入面嘅配料有白珍珠、仙草、燕麥顆粒，非常豐富有口感，煙靭天然無添加嘅白珍珠同埋滑嫩嘅仙草，加上燕麥顆粒有咬口，層次感豐富。圓仔紅豆紫米牛奶係一個好健康嘅選擇，同樣配搭豐富。