台南阿豆仔 (Closed)

當想食台灣嘢，往往要走到西營盤阿元。得知銅鑼灣新開左間台灣嘢叫“台南阿豆仔”，當然高興啦！便馬上同陳小姐去探過究竟。星期日三點幾去，間店無乜人？！如果呢段時間去阿元都仲係滿滿人……唔通有伏。拍下心口走入去，坐底見到✔✔紙，點解無炸嘢？例如鹽酥乜、鹽酥物？飲品無選擇甜同冰份量？無辦法，唯有選左魯肉飯、蚵仔煎、炒米粉、麻油鷄湯，飲品就要左杯凍柑桔水。魯肉飯先來，味唔夠、汁唔多，一般般，好彩叫左一碗。蚵仔煎乜煎到好似奄列咁？發生乜嘢事？唯有估隻碟太細，叫呀蚵生將就下啦！又無辣醬，問伙記攞，竟然俾辣椒油！無嘢呀……到炒新竹米粉，呢個終於叫正常，好似魯肉飯咁，都係唔夠味，粉再爽一點比較好，又係用辣椒油打救！終於到麻油雞湯，湯唔夠熱，有基本麻油味，可借個湯“水嬲嬲”。竟然有兩片薑，但個湯又無薑味，好Flat…算啦算啦，食好嘢唔好懶，還是返去西營盤。