Video
Read full review
2023-12-15
36 views
聖誕大餐仲未諗到去邊度食？今次去到觀塘嘅龍鳳號，最近推出咗聖誕二人同四人套餐，12月22號前喺OpenRice book位，人均$144就可以嘆到一個台味大餐，仲可以試到台式燒麻糬火鍋🫕，性價比超高！呢間都算得上係自己成日去嘅食堂，食材大部份嚟自台灣，嘢食款式多咗好多，而且feel到食物嘅水準都keep住有改善，晚市時段依然坐滿晒！------------------------------🎄◖龍鳳聖誕二人套餐◗ $288一個聖誕大餐已經包咗小食、台式鍋物、主食、飲品同冬日限定嘅甜品❄️，好豐富！🍳/燒香蔥蛋捲佢呢個蛋捲有啲似玉子燒🥚，裏面捲咗啲蔥，面頭就淋咗啲沙律醬，味道偏甜，冇咩蔥香，但外層炙燒過嚟，整體又幾香幾好食！🍲/豆乳豚肉豆皮鍋呢個鍋物幾足料，有五大片豚肉、豆腐、腐竹、野菜、秀珍菇同福袋，湯底用上豆乳，煮出嚟嘅豚肉充滿豆香，味道清甜，清爽又唔Heavy！🍚/古早味魯肉飯每次嚟都必叫，珍珠米粒粒分明，口感軟糯，淋上秘製魯肉，魯肉偏瘦，肉味香濃，幾好食～🍜/肉燥乾拌新竹米粉新竹米粉幼細，好爽口，拌上肉燥，滿滿嘅肉香，但略味道嫌偏鹹咗少少🍮/暖笠笠麻糬火鍋（珍珠奶茶）新推出嘅甜品，
------------------------------
🎄◖龍鳳聖誕二人套餐◗ $288
一個聖誕大餐已經包咗小食、台式鍋物、主食、飲品同冬日限定嘅甜品❄️，好豐富！
🍳/燒香蔥蛋捲
佢呢個蛋捲有啲似玉子燒🥚，裏面捲咗啲蔥，面頭就淋咗啲沙律醬，味道偏甜，冇咩蔥香，但外層炙燒過嚟，整體又幾香幾好食！
🍲/豆乳豚肉豆皮鍋
呢個鍋物幾足料，有五大片豚肉、豆腐、腐竹、野菜、秀珍菇同福袋，湯底用上豆乳，煮出嚟嘅豚肉充滿豆香，味道清甜，清爽又唔Heavy！
🍚/古早味魯肉飯
每次嚟都必叫，珍珠米粒粒分明，口感軟糯，淋上秘製魯肉，魯肉偏瘦，肉味香濃，幾好食～
🍜/肉燥乾拌新竹米粉
新竹米粉幼細，好爽口，拌上肉燥，滿滿嘅肉香，但略味道嫌偏鹹咗少少
🍮/暖笠笠麻糬火鍋（珍珠奶茶）
新推出嘅甜品，係珍珠奶茶火鍋！另外有一碟麻糬。先將芋圓、珍珠、小丸子呢啲配料倒入珍珠奶茶鍋裏面煮一煮，再浸一浸啲麻糬，湯底嘅珍珠奶茶唔甜，充滿茶香，麻糬暖暖地咁食，另有一番滋味，食吓食吓忍唔住就食晒！😆
🧋/泡沫紅茶
紅茶嘅茶底比較濃，濃茶控表示幾好飲
🍹/黑糖冬瓜茶
叫咗杯暖嘅，甜度啱啱好，好養生！
🌟Encore指數：8/10
Post
