愛 . 添 (Closed)

屯門-愛添：珍奶窩夫連雪糕（hk$64), 手抓餅（hk$28）珍奶飲得多，珍奶窩夫係第一次試🤤，一上枱有比個份量嚇到，材料好豐富，除左窩夫仲有芋圓、地瓜圓、珍珠、雪糕，窩夫入口真係有奶茶味，口感是比較厚實那種，加埋奶茶醬都幾甜，如果你係一個鐘意奶茶既甜牙齒這一定是你杯茶（我諗起我個奶茶控工人姐姐，所以外帶左件比佢，佢超級鍾意😋）而我同行朋友的小朋友就好喜歡oreo朱古力梳乎里pancake，竟然自己差唔多食左成個！蛋香幾濃郁，口感實在，唔係好重空氣感那種，但對我黎講都係好甜，所以我自己最鐘意既係呢度既小食手抓餅做得好靚，外脆內軟，入面係蛋、餐肉同芝士不失敗配搭😋！而且鹽酥雞食到台灣味道！！！好酥脆！！後來店員告知老闆是台灣人，難怪！-飲品方面，朋友杯芒椰奶勁大杯，好正咁，而且抵過許留山太多，可惜不幸哮喘發作既我只能飲少少。呢度既茶的茶味唔錯，但同我在台灣飲到既一樣，好甜，如果同我一樣唔多嗜甜既建議叫微甜😋😋-PS 呢度野飲好多款都係第2杯半價，諗下芝士奶蓋茶都係$22，兩杯真係好抵—------------•Follow IG: nee.eat.play