燈籠滷味 T.P.E. (M88) (Closed)

去完日本返嚟突然好掛住台灣嘢食，趁台灣未有自由行就去咗中環有名氣嘅台式滷味店。庶香牛肋條冬粉-上枱平平無奇，但係每一啖都好有驚喜-湯非常清甜，真係飲到庶的香味-牛肋有三到四大條，非常淋滑，牛味好濃郁，肥瘦適中-叫咗冬粉，類似香港的粉絲，非常爽口有口感豪吃自由配搭-自己配搭咗牛筋肉，蜂巢牛肚，甜不辣，百頁豆腐，玉米筍-蜂巢牛肚超級推介，厚身肥美，一啲都靱-百頁豆腐算係香港比較少食到的口感，吸收晒滷水汁日本豚肉葱抓蛋餅-葱抓蛋餅做得非常酥脆，皮唔算太厚，欣賞-豚肉選用左沖繩的Aguu豚，豬味真係特別香濃。仲加咗泡菜洋蔥同cheese，微辣但非常惹味古早冬瓜茶-唔會太甜，順口，非常台！