臺北棧 (荷李活道) (Closed)

經過荷李活道蘇豪區, 見到餐廳內有大大隻霓虹燈字寫著"我愛台妹" 所吸引, 入去試下，雖然店鋪唔算大，播著台灣柔和情歌,都帶著台灣氣式，叫了個冷盤前菜，櫻花蝦胡醋茄子$48，茄子爽口，醬汁微酸，夠開胃。飲品好多選擇，再叫了杯經典珍珠奶茶$48，珍珠非常煙韌彈牙，茶味夠香醇。主菜叫了手繪雙色鹽酥雞 $88，擺盤好靚，一邊是黑松露醬，一邊是柚子醬，沾在香脆鹽酥雞上，好夾，唔會乾，雞肉嫩滑。枱面還有辣牛油，可自行加辣。另外叫了台式肉鬆榨菜蛋餅$68，平時到茶餐廳食得多，冇諗過配蛋餅有另一番風味，肉鬆蛋餅配咩都好食，絕配，蛋餅唔會好溜，因以蛋為主，蛋香味濃。甜品叫了伯爵茶凍QQ芋圓$68，先試伯爵茶凍，茶味又香又濃，連埋綠豆一齊增添甜度，味道平衡又好味，芋圓好煙韌，珍珠好Q,好彈牙，還有大量仙草，好清涼。