三星台菜食堂 (新城市廣場一期) (Closed)

一直唔知三星有下午茶，今日去到2點，佢話無午餐，只可叫下午茶。下午茶有幾款，包括牛肉面、刈包、炸物拼盤、鹵肉飯、鹽酥雞飯等等，奉送熱桂花烏龍茶或者凍茉莉花綠茶，全部48-58蚊不等，視乎食物或者加吾加配特飲、飲品配料等。在新城巿廣場而言，這是「正常」下午茶價，不算特別抵，因為尚要加一，但款式尚算多。我同同事叫左牛肉麵，麵條質素依然，軟韌度適中，不過牛肉當然比午餐少啲，有三舊肉。食完碗麵，有「有嘢到肚感」，可能我大食。我同事叫左炸物拼盤，有台式腸仔、豆腐、甜不辣，後兩者好食，兩者都帶嚼勁，吾係太淋，尤其豆腐，香口又煙韌，好特別。不過成碟各款食物都有蒜蓉，對吾鐘意葱蒜味的我和同事而言實在大打折扣。大家驚唔夠飽，所以每人一下午餐之餘，另外加左一碟小食一口鹽酥雞一齊分享，好食，香脆，鹹味夠，一啲都唔油，水準之作同事鍾意飲珍珠奶茶，所以特別試試。味道同其他茶店水準差不多。兩點開始嘅下午茶，其實都算唔錯㗎啦，因為好多餐廳都要2:30至三點先開始下午茶。