茶點

Open Now

Now Closed

突然間好掛住台灣既肉燥飯同埋夜市炸排骨/豬扒！記得有朋友推薦過呢間茶點，一於買外賣試下。餐廳外觀好別緻，木系風格帶有cafe感！餐牌食物選擇頗多，我哋揀咗酥炸豬扒肉燥撈麵、迷你肉燥飯、招牌珍珠奶茶同埋柚子梳打。酥炸豬扒肉燥撈麵 $58豬扒炸衣唔太厚，豬扒有醃過，食落唔會好乾有肉汁。反而最驚喜係撈麵配既醬汁同埋麵底，豬扒瞬間變成配角。因為醬汁味道好特別，好香濃，鹹甜度啱啱好，撈埋q彈麵條相當夾。麵條都好掛汁，非常推薦！另外，仲配半隻滷水蛋同酸菜，非常飽足。推薦：5/5 （必食之選）迷你肉燥飯 $38肉燥同撈麵既肉燥係一樣，個人覺得肉燥配米飯是更加合適！肉燥份量多，仲有半隻蛋一條菜心，感覺即刻健康咗！推薦：4.5/5珍珠奶茶 跟餐免費珍珠奶茶茶味足夠，唔會比甜度蓋過。係一杯正常既凍珍珠奶茶。推薦：4/5柚子梳打 跟餐+$8唔會死甜，係平時柚子蜜加soda！特別既係杯內星星形狀果粒，令成件事無咁單調。推薦：4.5/5整體：大埔區內難得有滿意既台式餐廳，價錢合理，會一再嘗試。