咖啡弄 (Closed)

同朋友行完希慎廣場，就諗住去食下午茶傾吓計。所以就去咗銅鑼灣嘅咖啡弄，平時夜晚呢度就大排長龍，下午茶就可以避開人潮，所以都係一個唔錯嘅選擇。今次嘅下午茶，我哋以甜食為主。叫咗個Oreo芝士蛋糕。Oreo味道都幾重，餅底好有牛油香味，賣相亦都好靚，仲有一棵草，好似盆栽。另外都叫咗焦糖雪糕窩夫，窩夫好鬆軟，好香牛油蛋香味。雪糕亦都好滑，另外焦糖唔會太甜，配上窩夫同雪糕，一冷一熱，溶化嘅感覺好正！因為我哋都係Oreo粉絲，所以都叫咗杯Oreo沙冰，沙冰就太甜，如果Oreo 味再重啲就好。