Video
Read full review
2018-02-02
2369 views
收工同朋友經過，見到太子附近有一間專門食大蝦嘅專門店，門口更有一個魚缸裝住好多隻有大蝦，即刻吸引左我地入去試吓。餐廳裝修以白色為主，木枱配合膠椅，非常舒適嘅格調。店員服務周到，隨即俾咗兩杯暖水我哋。餐牌上嘅台式食物圖片非常吸引，而且黑板亦有餐廳廚師推介嘅食物供客人選擇。隨即就叫咗兩杯飲品，分別係羽衣甘藍汁，亦有兩款味道可以混合果汁一齊飲，分別係蘋果汁同埋雪梨汁。我個杯蘋果汁味道非常清甜，有少少青菜清新嘅蔬果味道。台式嘅米粉一向都好幼滑，所以我哋叫咗魯肉鮮蝦湯米。湯底飲一啖非常鮮甜，仲有少少肉碎，米粉好爽滑而且入味，加上咁大隻蝦，非常滿足。生燒海花螺份量都比較多，螺肉好容易刮到出嚟，點小小醬汁一齊食，更加滋味。一口炸豆腐好香脆，一啲都唔覺得會熱氣。朋友比較喜歡食雞，所以叫咗一煲黑麻油雞。遠處已經聞到好香嘅麻油味道，一邊煲一邊食，好似打邊爐咁熱辣辣，雞肉食落去肉質滑嫩，雞肉嘅份量都幾多，配以杞子等等嘅藥材一齊煲，非常滋潤補身。餐牌上仲有十款蝦煲選擇，避風塘蝦同埋鹹蛋黃蝦更是港式限定，所以我哋叫咗避風塘蝦嚟試吓。估唔到啲蝦都好大隻，仲要佢啲味道辣辣地，香脆可口嘅配料加上新鮮爽滑嘅蝦肉一齊食，
收工同朋友經過，見到太子附近有一間專門食大蝦嘅專門店，門口更有一個魚缸裝住好多隻有大蝦，即刻吸引左我地入去試吓。
餐廳裝修以白色為主，木枱配合膠椅，非常舒適嘅格調。店員服務周到，隨即俾咗兩杯暖水我哋。
餐牌上嘅台式食物圖片非常吸引，而且黑板亦有餐廳廚師推介嘅食物供客人選擇。隨即就叫咗兩杯飲品，分別係羽衣甘藍汁，亦有兩款味道可以混合果汁一齊飲，分別係蘋果汁同埋雪梨汁。
我個杯蘋果汁味道非常清甜，有少少青菜清新嘅蔬果味道。
台式嘅米粉一向都好幼滑，所以我哋叫咗魯肉鮮蝦湯米。湯底飲一啖非常鮮甜，仲有少少肉碎，米粉好爽滑而且入味，加上咁大隻蝦，非常滿足。
生燒海花螺份量都比較多，螺肉好容易刮到出嚟，點小小醬汁一齊食，更加滋味。
一口炸豆腐好香脆，一啲都唔覺得會熱氣。
朋友比較喜歡食雞，所以叫咗一煲黑麻油雞。
遠處已經聞到好香嘅麻油味道，一邊煲一邊食，好似打邊爐咁熱辣辣，雞肉食落去肉質滑嫩，雞肉嘅份量都幾多，配以杞子等等嘅藥材一齊煲，非常滋潤補身。餐牌上仲有十款蝦煲選擇，避風塘蝦同埋鹹蛋黃蝦更是港式限定，所以我哋叫咗避風塘蝦嚟試吓。
估唔到啲蝦都好大隻，仲要佢啲味道辣辣地，香脆可口嘅配料加上新鮮爽滑嘅蝦肉一齊食，真係冇得頂。
呢度嘅甜品平時好少餐廳有得食，特別係我至愛嘅椰子雪糕，雪糕好硬身，正符合我對雪糕質感要求，非常濃郁嘅椰子味道，好正。總括而言，對於好鍾意食蝦嘅我，都覺得呢度嘅大蝦烹調方式同埋味道好特別，另外其他台式食物都好有特色，所以可以不妨一試。
Post
