一起食堂 (軒尼詩道)

Open Now

Now Closed

返工日子喺灣仔食晏勁難搵位，夜晚嘅灣仔就好好多啦，咁啱經過平時晏晝好多人嘅餐廳，見有好多位，就入去試吓啦。餐廳裝修新淨，仲有梳化位。食台灣嘢點少得台式品，我地點左仙草冬瓜茶同紅豆奶茶，兩杯都幾好味。大家都唔係好餓，就決定叫一個飯加啲小食算啦，要左蒲燒鰻魚飯，酥炸地瓜條同吉列炸蠔。蒲燒鰻魚飯賣相幾好，仲有啲日式嘅感覺添，鰻魚好厚，配埋隻溫泉蛋，紫菜碎同埋啲蔥花，十分好送飯！即時有啲後悔冇叫原條鰻魚。酥炸地瓜條炸得好乾身香脆，一啲都唔油膩，地瓜好甜，食到唔停口。吉列炸蠔一樣炸得好靚，仲好大隻，只係$48性價比十分高！最後食埋個糖水芋圓燒仙草，好完滿嘅一餐。