程班長台灣美食 (Closed)

早早出門，返工前先去幫襯程班長台灣美食。一直以來，我都冇親身去食過佢，反而我另一半有，同買過佢嘅急凍包返嚟。趁今日時間尚早，應該有位唔多需要排隊，我又好掛住台式小食，兼想喺佢臨別秋波之前食番次，所以，就專攻小吃類了。其實三樣美食都各有千秋，不過，因我個人偏愛嘅關係，所以，第一樣絕對會揀蚵仔煎！佢哋食物嘅味道、份量、質數，看圖識字，無需多講 ～ 大滿足！更最重要嘅係，員工有禮兼係講國語，令人有致身台灣小店嘅感覺！可惜，佢哋只係做到 3 月就結束營業，唯有喺佢哋臨走之前，再去幫襯啦，因為好多嘢我都仲未食過㗎！😋😍😋😍😋😍😋😍