台灣麵

Open Now

Now Closed

呢幾日確診數字回落返，所以就決定同朋友去屋企附近行山。行完之後有啲肚餓，就直接喺元朗食下午茶，呢間台灣麵都好受歡迎，而且價錢合理所以就決定入去食。我哋兩個人分別叫咗兩個set，我就叫咗個豬仔包配酸辣麵。豬仔包值得一讚，卜卜脆加埋煉奶好邪惡，最啱用嚟補充行完山嘅Energy。酸辣調味啱啱好，而且好足料，有木耳、豆腐同冬菇，充滿口感。當然嚟到我就叫左一杯凍冰冰嘅台式飲品，係胚牙奶茶，好驚喜唔會太甜而且幾解渴。朋友就叫咗芝麻手撕雞米線，相對就比較清，米線略為淋身。小食就叫咗個麻辣雞腎，夠惹味，買單兩個人只係80幾蚊，相當抵食。唔怪得咁受歡迎，而且要提嘅就係佢哋防疫措施做得好足，食得夠安心。