八方台式麵屋 (九龍城廣場)

Open Now

Now Closed

通常去九龍城就食泰國菜，今日突然間好想食台灣野，就揀咗呢一間餐廳。兩個人叫咗兩個餐，一個係豐盛三品牛肉麵配花枝丸同埋酸梅湯，另一個係紹辣乾拌麵套餐，配皮蛋豆腐芋圓奶茶。我好鍾意食辣野，拌麵除咗有微辣之外亦都有麻香同蔥花香，唔會油膩，我食得好滋味。男朋友食牛肉麵，有牛丸，牛腱同牛腩。湯頭係清甜嘅牛湯，牛丸彈牙，牛腩同牛腱都無筋，蘿蔔都好入味，有係台灣食牛肉麵嘅味道同感覺。小食都唔馬虎，花枝丸有5粒，上菜熱辣辣。飲品甜度適中，approved 可以下次再黎。