老媽拌麵 (北角匯二期)

Open Now

Now Closed

一直都好想試下 #老媽拌麵 ，行行吓街見到呢間北角分店裝修幾靚，仲對住海景，即係入去試吓😆🤓🍲🍜麻辣老鍋麵($82)湯底有啲似藥膳湯底咁，加咗少少麻辣但飲落去係好舒服，麵底揀咗關廟刀削麵，麵質超有彈性又煙韌，同個湯底出奇地夾🤤 配料有肥牛片、花枝丸、鴨血及炸響鈴，好豐富。酸辣手撕雞拌麵($78)呢個係餐廳嘅新菜式，麵質彈牙，酸辣醬汁好開胃又唔算好辣，真係好啱夏天食！🐥豆乳香香雞($52)呢個同鹽酥雞既共通點係一樣炸到好酥脆，但特別之處就係呢個係點腐乳醬嚟食，好得意！三色地瓜球($62)如果你係煙韌控，私心推介呢個地瓜球一定要叫，三色球分別係紅黃紫QQ，即係由橙黃紫番薯整成既麵團，再分別放入朱古力、花生碎及芝士餡再攞去炸，熱辣辣嘅地瓜球煙煙韌韌又香口，個人十分喜愛🤤百香國寶茶($33)呢杯國寶茶加入咗自家製鳳梨醬，味道好香甜仲食到少少菠蘿粒，都唔錯。