茶木‧台式休閒餐廳 (MegaBox) (Closed)

又到下午茶時間啦，同朋友去左megabox茶木食tea，之後就行街街。我地叫左麻辣牛腩拌麵及豬三寶拌麵，同兩杯台式飲品。向來茶木質素都ok，今次都唔例外。呢個下午茶拌麵，分量適中啱啱好。麻辣牛腩拌麵，辣度唔會太勁，牛腩腍，香口味道濃。豬三寶拌麵，即係豬大腸、腩肉、豬耳，仲有其它配菜，如豬紅同豆腐。豬三寶拌麵相反味道較清，內臟乾淨，配菜都好入味。綜合鮮果茶，好清新，好多生果，百香果、番石榴、橙、火龍果、士多啤梨同青檸，仲有粒酸梅點綴。香芋奶茶，奶茶滑，叫左微糖、好啱口味。