士林棧 (Closed)

好耐冇喺香港食台式料理，因為通常都整得不倫不類，是日同老妹試吓呢間小店，有d驚喜！牛連著牛筋，好林好滑，牛味好濃，蘿蔔都炆得非常入味。一上枱就聞到好濃藥材味，應該好足料。有好多配料炆，有馬碲，竹蔗，枝竹，唐芹，補而不燥。羊腩不錯。梅貴豬扒好特別，話係豬肉中既和牛，果然好林滑，調味剛好。皇柚雞扒好香口，又夠件頭！有少少柚子蜜味冇咁熱氣。柚蜜淮山沙律，簡單得嚟又有益，入口味道清新，食左咁多肉之後清吓腸胃不錯。仲有叫左個雪耳飲好重膠質，唔見雪耳，可能已經煲熔咗入去。呢間舖頭講明冇味精，係唔係正宗台式就唔知，不過冇味精就食得安樂放心。