屋喔 (Closed)

聽到親愛的話好耐無去台灣旅行，解決燃眉之急當然係先去一間好味道既台灣餐廳，有老友報料話屋喔係銅鑼灣金百利開左新分店，甘當然要實地考察下。相比起我地平時去開既中環店，新店既佔地面積大好多，樓底好高而且座位寬敞，裝璜極具現代化感覺，仲有挂畫添。「鳳梨糖醋魚柳 $64」- 食落其實味道幾似波蘿生炒骨，但主角就變左魚柳，上碟時仲係熱辣辣的幾有鑊氣，魚柳炸得頗為香脆得黎但又唔會太厚炸粉。配上酸酸甜甜既醬汁，送埋白飯非常開胃。「台式糖芯蛋肉燥飯 $58」- 肉燥味香濃，豬肉既肥瘦比例適中，糖芯蛋帶點微甜令口感層次更豐富，店家亦用上類似珍珠米質感既米飯，口感頗為煙韌，再連埋肉燥同少少鹹菜送飯一流。整體感覺：價錢合理，店內環境同食物質素都不錯，員工代客有禮。