茶木‧台式休閒餐廳 (Closed)

睇完早場, 去到呢間越開越多嘅台式餐廳食lunch。星期一至五有lunch set, 價錢大概$60-80 一份, 已經包1杯飲品, 免費飲品有凍熱可選擇, 可以加$轉餐牌上其他飲品。叫左自選套餐, 可自由配搭成個餐, 都唔錯。價錢方面喺呢附近黎講都係差唔多。蕃茄浸西生菜: 正常味道, 份量作為前菜係正常, 似係蕃茄湯加西生菜。咖哩牛腩: 呢個味道濃郁, 有咖哩香味但辣味欠奉。份量都多, 牛筋炆到好淋, 配白飯一流, 可惜我揀左麵。肉燥麵: 麵條煙靭, 唔會淋, 肉燥有碎冬菇, 香味足, 撈麵撈飯一流。如果變左撈麵會更正!凍酸梅冰: 唔會過甜, 味道似台灣的酸梅湯。偶爾想食台灣菜, 可以黎呢度滿足下, 心大心細的朋友, 自選套餐啱你。