Video
Read full review
2022-06-06
47 views
之前經過銅鑼灣登籠街已經成日見唔少餐廳大排長籠，燈籠滷味就係其中一間，最近中環新咗分店決定要試下🤤 平日夜晚去唔會太多人，中環分店門口有啲台灣夜市feel嘅燈牌，入面好闊落，中間有好幾張紅色卡位嘅圓枱，配合返燈籠🏮嘅主題！再加上播住台灣一啲經典歌，都有啲偽旅行嘅感覺😌•🥢 禽· Poultry Selection $88🥢 豚· Pork and More $78今次揀咗兩個配搭好嘅麵，各自都有好多款餸，每樣餸都有好幾件，都幾豐富嘅，而且大部分都好入味～滷水味唔會好鹹，但我最大嘅感覺係似盤菜嘅味🙈禽嘅餸有雞翅膀(2隻)、鴨胗、鴨血、麻吉燒、野生黑木耳同花椰菜(西蘭花)，但雞翼有少少嚡😢 朋友話鴨血麻麻地，但鴨胗同其他都幾好，同埋發現麻吉燒係中間有年糕嘅丸🤣 而豚嘅配搭有蹄膀、豬耳朵、甜不辣、金針菇、花干(炸豆腐)同高麗菜，蹄膀好腍👍🏻豬耳朵同甜不辣份量好多！另外麵可以揀王子麵、烏龍麵、冬粉、油麵或米線，因為佢係半湯半撈咁，我哋揀咗一個油麵同米線，油麵都幾彈牙，配滷味都好夾😙 反而米線就偏腍。(嚟到啲餸係好雜亂😢為咗影張靚啲嘅相有稍微執過🤣)•🥢 ‘’Shake Shake’’ 海苔鹽酥
•
🥢 禽· Poultry Selection $88
🥢 豚· Pork and More $78
今次揀咗兩個配搭好嘅麵，各自都有好多款餸，每樣餸都有好幾件，都幾豐富嘅，而且大部分都好入味～滷水味唔會好鹹，但我最大嘅感覺係似盤菜嘅味🙈
禽嘅餸有雞翅膀(2隻)、鴨胗、鴨血、麻吉燒、野生黑木耳同花椰菜(西蘭花)，但雞翼有少少嚡😢 朋友話鴨血麻麻地，但鴨胗同其他都幾好，同埋發現麻吉燒係中間有年糕嘅丸🤣
而豚嘅配搭有蹄膀、豬耳朵、甜不辣、金針菇、花干(炸豆腐)同高麗菜，蹄膀好腍👍🏻豬耳朵同甜不辣份量好多！
另外麵可以揀王子麵、烏龍麵、冬粉、油麵或米線，因為佢係半湯半撈咁，我哋揀咗一個油麵同米線，油麵都幾彈牙，配滷味都好夾😙 反而米線就偏腍。
(嚟到啲餸係好雜亂😢為咗影張靚啲嘅相有稍微執過🤣)
•
🥢 ‘’Shake Shake’’ 海苔鹽酥雞 $48
上枱嘅時候附埋一個紙袋同一小碟海苔碎，要自己shake🤣 海苔都夠多可以均勻分佈喺每粒鹽酥雞上面，雞粒細細地，但份量幾多，炸皮好脆而且唔算厚，雞肉都滑，但海苔味又未算好出，淡淡地，整體都幾好食，一粒接一粒好快食晒😋
Post
