Video
Read full review
2022-01-04
478 views
【銅鑼灣】燈籠滷味（登龍街）喺銅鑼灣行完街想搵啲輕食，咁啱又想食台灣嘢，嚟到呢間主打滷味麵食嘅台式小店。原本係睇中咗其中一個有芋圓嘅下午茶餐，不過原來星期六日無下午茶。嗌咗一麵兩餸，份量啱曬小鳥胃。上菜速度快非常之快，落完單大概5分鐘左右就有得食。大腸肥美，入曬味，正到不得了。白蘿蔔都好入味，而且夠淋身。餸方面份量比到足，好有誠意👍🏻呢度嘅滷湯係台灣直送嘅秘傳配方，湯底濃郁偏咸，嗌米線的話啱啱好，中和返。重口味人士建議嗌王子麵，麵質介乎褔麵同公仔麵之間，特點就係會吸曬湯汁，成件事係非常邪惡！值得一提嘅係，店舖用嘅木枱木凳，再加埋裝修，感覺好似去咗一轉台灣咁，多了份人情味！⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯🐱整體評分：✨✨✨✨✨✨(6/10)💰人均消費：$35📍地址：銅鑼灣登龍街39號地下⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
喺銅鑼灣行完街想搵啲輕食，咁啱又想食台灣嘢，嚟到呢間主打滷味麵食嘅台式小店。原本係睇中咗其中一個有芋圓嘅下午茶餐，不過原來星期六日無下午茶。
嗌咗一麵兩餸，份量啱曬小鳥胃。
上菜速度快非常之快，落完單大概5分鐘左右就有得食。
大腸肥美，入曬味，正到不得了。白蘿蔔都好入味，而且夠淋身。餸方面份量比到足，好有誠意👍🏻
呢度嘅滷湯係台灣直送嘅秘傳配方，湯底濃郁偏咸，嗌米線的話啱啱好，中和返。
重口味人士建議嗌王子麵，麵質介乎褔麵同公仔麵之間，特點就係會吸曬湯汁，成件事係非常邪惡！
值得一提嘅係，店舖用嘅木枱木凳，再加埋裝修，感覺好似去咗一轉台灣咁，多了份人情味！
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
🐱整體評分：✨✨✨✨✨✨(6/10)
💰人均消費：$35
📍地址：銅鑼灣登龍街39號地下
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
Post
