老鍋台式火鍋 (金馬倫道) (Closed)

同朋友傾開好冇無得去旅行，好掛住台灣嘅火鍋所以朋友帶咗我去尖沙咀呢間餐廳食台式火鍋。我哋叫咗個酸菜白肉鍋入邊有好多配料包括有粟米，豬肉，冬菇等等食落個湯底酸酸地好開胃！鹽酥一口豆腐超好食外脆內軟配埋啲蒜蓉粒好香口！非常推介！老鍋丸餃井字盤我哋選左台式蛋餃拼墨魚丸，墨魚丸食落非常之彈牙！個蛋餃都好好食台式火鍋必點！手切安格斯牛小排雪花非常均勻唔會過肥或者過瘦肉質食落嫩滑非常值得一試！3秒響鈴卷咬落非常之脆口而且熱辣辣可以唔使浸湯食都得！應該係自家製唔係出邊買返嚟嗰響鈴。貴妃蚌非常新鮮食落好脆口而且好鮮甜。老撾台灣麵呢個台灣麵可以有兩種食法凍食或者係放落火鍋都得，凍食沾上甜甜地嘅醬汁嚟食都幾得意。冷泡白桃烏龍茶味道比較清淡，再濃少少會比較好啲。整體來講這間店鋪食物質素都非常高質值得再來。