養心殿台式養生鍋 (Moved) New Location

環境4分：間嘢成層好大，外邊有大紅燈籠，好容易認出。裡面呢就充滿古代風設計，Ｄ位大多都有屏風隔開，坐滿人都完全唔迫，可以畀四分。衛生4分：Ｄ醬汁响出面自己拎，好乾淨吓。枱面有紙巾同公筷，生食物同熟食物唔會用同一對筷子夾，一樣可以畀四分。服務5分：樓面顆記落單上菜快手快腳，加單一樣唔洗等，服務可以畀滿分。味道8分：1)     支啤酒凍到連Ｄ冰都黐住，一定要加分。2)     酸菜白肉鍋入面勁多番茄同粉條，入曬味。當然仲有唔少白肉，Ｄ白肉又薄又爽。單單個鍋入面Ｄ配料都已經食到三分一飽，可以免費追加酸菜同白肉，感覺上超抵，又要加分。3)     炸午餐肉竟然有驚喜，同出邊食開果Ｄ完全唔同，即炸出黎好熱辣，唔洗浸湯空口食，好香好脆，入面又嫩口，真係非常好味，再加佢兩分。4)     黑松露蝦丸真係好鬼死夠彈牙，又夠爽。5)     自家製水蓮餃，呢款餃子個餡第一次食，味道特別鮮甜，衣家先奬多佢一分，下次絕對會encore。6)     新鮮九孔鮑魚，鮑魚已經經過廚房界開，方便快速煮熟，放入去一陣就食得，冇黐殼，容易分開，鮑魚彈牙爽口，非常鮮味。7)     千層凍豆腐好鬆好爽，一滾就吸曬湯底