饕鍋物 (Closed)

突然間行過好想打邊爐，見價錢唔貴又幾特別就入呢間餐廳，我地試左個豆腐美人鍋with牛三角加土雞腿，味道比較清，但反而食得出材料鮮味。任食火鍋配料有d好特別，推介抺茶麻吉燒同芥辣魚蛋，前者好似湯丸，入面有抺茶紅豆，味道好夾；後者中間有wasabi，開胃刺激。小食有鹵水豬手、雞翼、蛋同豆腐，豬手就比較硬左少少，鍾意”損”骨既朋友會好開心。豆腐個皮好摷，但係入面勁嫩滑，絕對可以一試。另外甜品都有驚喜，甜品有我最愛既芋圓，仲有好多其他配料，為一餐畫上完美句號。