2派克雞排

Open Now

Now Closed

今日同朋友行經呢帶搵嘢食，作為炸嘢愛好者嘅我，遠遠聞到一陣炸野嘅香氣就畀佢吸引咗過嚟。呢間舖頭應該係新開張，同朋友點咗以下幾款炸物，店鋪提供好多口味嘅調味粉作配搭。脆皮無骨雞塊炸得夠香脆，粉漿唔會太厚，雞肉食落嫩嫩唔會鞋口，揀左咖哩粉同小香辣粉，食落更香口惹味。而且份量都好多，好食。小扇茄子炸茄子食落外脆裏面卻軟綿綿，口感豐富，簡單加少少椒鹽味已經好味道。脆皮花枝丸花枝丸比我地預期中好食，不嬲都鐘意食台灣嘅花枝丸，口感真實，味道又好食，呢間花枝丸真係滿足到我地，炸後當然更滋味，推介！