鐵牛台灣牛肉麵 (希爾頓大廈)

Open Now

Now Closed

係尖東附近搵野食，上openrice見到有間台灣野好似唔錯,價錢合理就去咗食。間鋪有少少難搵，因為佢係商場下層，要向下行一層，唔係向街。餐廳採用自助形式，去收銀處付款落單，但係就冇限用餐時間。我叫左招牌牛肉麵，只係$68，唔洗額外加一。叫完好快有得食，牛肉麵好香，牛肉咬落好軟身，而且啖啖肉，麵條都煮得唔錯，唔會太淋身，個湯底夠濃但唔會太咸，食到台灣嘅風味！餐廳叫一碗麵可以加$20叫特飲，可惜我本身太飽飲唔落。