焱手工涮涮鍋 (Closed)

最近心情麻麻地，飯腳約食飯，通常傾計傾幾個鐘，我哋都鍾意火鍋，方便吹水談心。今日專程約埋一齊要去旺角買金送禮，再睇下旺角有咩好食，最後決定食3把火。見OpenRice大家都係食麻辣火鍋好過癮，坐低一睇Menu，幾位姊妹都轉軚，手工粥底海鮮火鍋套餐 $288/位，抵食!揀咗粥底，食個前菜，期待嘅海鮮拼盤送到了。總共有七款海鮮，全部都好新鮮好吸引。實在嚇我一跳，想不到有這麼大的蟶子皇、大蝦、斑片、元貝、新鮮膏蟹和花甲。用料好新鮮，蟶子皇大大隻，大蝦生猛又新鮮，滿滿鮮橙色的蟹膏甘香美味，稱得上貨真價實，把我們的舌頭俘虜了。聽說以粥水烚海鮮，能讓米香滲透入海鮮，食起來會多了一份米香，襯托出更高層次的鮮味。每樣海鮮都十分對辦，牛肉更加係 very good。焱選手切 Prime 肥牛，肥牛色澤紅潤，油脂分佈均稱，牛味香濃，鬆軟而不韌。除了以上，手工火鍋拼盤質素亦高。別蝦我～份量很足，蝦膠爽口彈牙。花膠牛丸新鮮手打，十分彈牙，粒粒清甜爆汁。黑松露豚肉餃子爽口軟彈，味道口感佳。食到差不多店員加入粥膽落湯撈匀，還加了點菜脯南瓜去提味，這個粥綿密細緻，所有精華都盡在粥裡。粥底加入雞蛋顏色濃郁，非常鮮甜好