湯•米 (Closed)

今次黎到朋友屋企將軍澳帝景灣依邊食飯，帝景灣商場一樓有間食台式火鍋就來試下，餐廳主打一人鍋，有免費跟飯/粉絲，而家有吾少加配火鍋料同小食揀，同埋有台式飲品好正食物方面我地叫左招牌臭臭鍋：湯底選左微辣，配料幾豐富，有臭豆腐、牛肉片、鴨血、滷大腸、貢丸、腸仔等等，粉絲吸晒湯底嘅味道好好味另外叫左期間限定既酸菜魚鍋：大大塊烤鯇魚肉食落唔腥，酸菜味香濃惹味小食叫左鹽酥花枝墨魚丸：食落酥脆爽滑彈牙，食倒有魷魚粒增加口感，其中加配左海鮮拼盤：有花螺，海蝦同鮑魚，每款都好新鮮，牛肉片肥瘦適中飲品方面揀左芝士綠妍：奶蓋質感幼滑，茶味香濃，另一杯爆檸四季春：成個檸檬喺入面，好清新解渴之選整體方面，一人一鍋邊爐吾錯比較衛生，性價比高好味之選