古早牛肉麵 (Closed)

食完韓國菜，有人話仲有點意猶未盡，好想食甜品。去左對面隔一條街嗰間「古早牛肉麵」。餐廳除左有台式便當、牛肉麵、滷肉飯等供應之外，仲有唔少台式地道小吃、仙草凍及一系列台式飲品等供應。有人一坐低就點左客綜合仙草凍 ($48)，而我就揀左宜蘭迷你蔥肉餡餅 ($27) 同 焦糖珍珠奶茶 ($25)。餡餅新鮮即製，底面都煎至金黃微焦，送上時仍熱辣辣。麵皮有嚼勁，入面包裹住滿滿嘅香蔥同肉餡，加上飽滿嘅湯汁，非常美味。仙草凍跟住送上，超大碗，用料十足，除了烏黑亮麗嘅仙草外，還有紅豆、珍珠、蘆薈、芋圓及愛玉等。仙草軟滑微甜，食落好清爽。芋圓Q彈煙韌，吃得出食材嘅原味，紅豆綿密、軟爛不糊，配以淡奶，甜而不膩，正。奶茶可以自選甜度及冰度，睇下幾大杯，珍珠煙韌有口感，奶茶味道濃厚甘醇，入口帶陣陣焦糖香，唔錯。